1508 թվականին Հուլիոս II պապի հրավերով Ռաֆայելը գնում է Հռոմ:Պապը կարգադրում է արվեստագետին նկարել Վատիկանի պալատի բակը: Դելլա Սենյատուրայի որմնանկարում(1509-1511) Ռաֆայելը բաժանում է փիլիսոփայությունը չորս ոլորտների:Դրանք են`
1.Աստվածաբանություն (« Վեճեր »)
2.Փիլիսոփայություն («Աթենական դպրոցը »)
3. Պոեզիա («Պարնաս »)
4.Օրենք (« Իմաստություն,չափ, ուժ »),
Դրանց համապատասխան նա նկարել է Բիբլիական, այլաբանական և առասպելական տեսարաններ:
«Աթենական դպրոց» որմնանկարը մարմնավորում է փիլիսոփայության եւ գիտության շքեղությունը: Հիմնական գաղափարը գիտության և փիլիսոփայության տարբեր ոլորտների ներդաշնակության հնարավորությունն է: Կամարների տակ էին գտնվում հին հունական հայտնի փիլիսոփաները և գիտնականները:
Կենտրոնում գտնվում էին Պլատոնը եւ Արիստոտելը(դա Վինչիի կերպարով) , ովքեր մարմնավորում էին հնագույն ժամանակների իմաստությունը և ներկայացնում էին փիլիսոփայության երկու դպրոցները: Պլատոնը մատնանշում էր երկինքը,իսկ Արիստոտելը` տարածում էր ձեռքը երկրի վրա: Սաղավարտով զինվորը`Ալեքսանդր Մակեդոնացին, ուշադրությամբ լսում է Սոկրատեսին , ով ինչ-որ բան է ապացուցում: Նրանցից ձախ աստիճանների մոտ Պյութագորասն է` շրջապատված ուսանողներով և զբաղված մաթեմաթիկական խնդիրներով: Դափնեպսկով մարդը Էպիկուրն է : Խորհող դիրքում նստած մարդը` բռնված խորանարդից, Միքելանջելոն է Հերակլիտի պատկերով: Ասիճաններին նստած է Դիոգենեսը: Աջ կողմում գտնվում է Էվկլիդեսը, որը կարկինով երկրաչափական քարտեզ է գծում: Աստիճանները խորհրդանշում են ճշմարտության տիրապետելու փուլերը: Էվկլիդես կողքին կանգնած են Պտղոմեոսը (ձեռքին երկրագունդը) եւ հավանաբար Զորոաստր մարգարեն (երկնքի գլոբուսը ձեռքին): Մի փոքր աջ կանգնած է հենց ինքը արվեստագետը ( նայում է ուղիղ դիտողին). Չնայած նրան, որ որմնանկարում պատկերված է շուրջ 50 մարդ, Ռաֆայելին բնորոշ համաչափության և ռիթմի զգացումը ստեղծում է զարմանալի տարածական թեթևության տպավորություն: